बिर्सियौ कि झै लाग्छ
झरी पछिको इन्द्रेणीको रङ्ग
अस्ताउदै गरेको सूर्यको प्रकाश
निदाउदै गरेको लठ्ठ आखाको चाल।
बिर्सियौ कि झै लाग्छ
पुसको जाडोमा
कपकपाउदै एउटै कपमा
खाएको चियाको स्वाद
एक अर्काको अङ्गालोको न्यानोपन
आँखा जुधाउदै बितेको समय।
सम्झेको छौ र?
प्रेम गर्नेहरुको कहानी
भस्मसुर डाडाको त्यो बतास
श्री अन्तुको सुर्योदय
माछापुच्छ्रे हिमाल काखको एक निमेष
होला विर्सनेहरुको आफ्नै बाध्यता
सम्झनेहरुको आफ्नै व्यथा
कतै हराएछ त्यो प्रेम कथा
जुन गोठालो जादा भेटिएको थियो।
No comments:
Post a Comment