जानै मन थिएन!

जानै मन थिएन।
अह! छुट्टिन मनै थिएन।
तिम्रो न्यानो अङालोको स्पर्शबाट
मलाइ निस्कनै मन थिएन।

तिम्रो हात माथि हात राखेर
घन्टौ मायाका कुरा गर्नु थियो।
छातिमा टाउको अड्याएर
तिम्रो धड्कनको आवाज सुन्दै
सुनाउन मन थियो
प्रेमका अमर गीतहरु।

लजाउदै चिम्म गरेका तिम्रा आखामा
सुस्तरी चुम्बन गर्दै
देखाउनु थियो हाम्रो सुन्दर भबिष्यको सपना।

तिमिले
अब त जाउ न भन्दा।
मलाइ छुट्टिनै मन थिएन।
तिम्रो न्यानो अङालोको स्पर्शबाट।