म कस्तुरीको सुवास जस्तो।
डुल्दै डुल्दै म हराएको वाटो जस्तो
म चिप्लो रातो माटो जस्तो।
म भुलि जाने याद जस्तो,
म अभागिको निधार जस्तो।
म चैतमा फुलेको फूल जस्तो
म वर्षाको भकभके मुल जस्तो
म रङ्ग जस्तो, म हावा जस्तो
म धुलो जस्तो,म पानी जस्तो
म कसैको जिन्दगीको
विछोडको कहानी जस्तो
म भुलि जाने याद जस्तो
म जिब्रोले थाहा नपाउने स्वाद जस्तो।
म कुनै चित्रकारको क्यान्भास जस्तो
म मरिसकेको आश जस्तो
म कस्तुरीको सुवास जस्तो
म भुलिजाने याद जस्तो।
म कुनै नेताको भाषणको वक्सवास जस्तो
म मरिसकेको आस जस्तो
म फूल पलास जस्तो
म दुश्मनको खास जस्तो
मृत्यु शैयाको म लास जस्तो
म भुलिजाने याद जस्तो।
