बूढो प्रेम

-

मलाइ केटाकेटी जस्तो प्रेम गर्न आएन! आएन त के गर्नु अब- मैले बुढा बुढिले जस्तो प्रेम गर्न थाले।
परिपक्व वाला। अनुभवी प्रेम।
उसले बारम्बार भन्छे - तिमी त मलाइ माया नै गर्दैनौ।
म भन्छु - प्रेम गर्छु नि त।
आँखा ठुला पार्दै मलाइ सोध्छे उ- माया र प्रेम फरक कुरा हो र? यदि हो भने तिमी मलाइ प्रेम पनि गर्दैनौ।
ऊ केटाकेटी जस्तो जिद्दी छे- ऊ मलाइ केटाकेटी वाला प्रेम गर्छे। चन्चले प्रेम।

म भन्दा कान्छा/ कान्छी सबैको बिहे भैसक्यो गाउँमा, कतिले छोराछोरी जन्माइसके। ऊनिहरु आफ्ना केटाकेटीलाई केटाकेटी वाला प्रेम गर्छन।
केटाकेटीहरुलाइ एकछिन पनि एक्लै छोड्न हुदैन। सधै समाइ राख्नु पर्छ, डुलाइ राख्नु पर्छ। आफ्नै काखमा सुताउनु पर्छ। आफ्नै छातिमा उठाउनु पर्छ।
केटाकेटी वाला प्रेममा धेरै लगानी छ र म बेरोजगार छु।
केटाकेटी वाला प्रेम अलि बढी आशावादी प्रेम हो। भबिष्यको ठुलै आशा राखेर बर्तमानमा प्रेम गर्नु पर्छ।
एउटा टुप्पि पालेका मान्छेले मलाइ खुसुक्क कानमा आएर भनेका थिए - 'आशा हि परम् दुखम्।'
त्यसदिन देखि मलाइ केटाकेटी वाला प्रेम खासै मन पर्न छोडेको हो।

बुढाबुढी वाला प्रेम साह्रै सस्तो छ र पनि महङ्गो छ।
यस्तो प्रेम कोशौ टाढा बाट पनि गर्न मिल्छ 'आइ मीन लङ डिस्टेन्स रिलेशनशिप।' जस्तो।
एउटा भक्तले भगवानसङ गरेको प्रेम।
यस्तो प्रेम यो सङ्सारमा नभएकासङ पनि गर्न मिल्छ। जस्तो केही बर्ष पैले एउटा गाडि एक्सिडेन्टमा यो संसार त्यागेकि एउटा केटिलाइ कुनै प्रेमिले प्रेम बहुत गरेको जस्तो।
यस्तो प्रेममा केहि आसु र सम्झनाको लगानी हुन्छ तर बदलामा धेरै कुरा आउँछ।
बुढाबुढिवाला प्रेमले बर्तमानलाइ प्रेम गर्छ। हिजो के थियो? भोलिको के भरोसा?

ए! मेरि केटाकेटी वाला प्रेम गर्ने मान्छे- आउ हामी पनि एकपटक बुढाबुढी वाला प्रेम गरेर हेरौ।

Comments

Post a Comment

Popular posts from this blog

पुनु तिमिलाई शुभकामना!

-
Image
प्यारी पुनु फेसबुक भरी छरिएका छन तिम्रो मेहन्दीका फोटोहरु तिम्रो खुसीका पलहरु कुनै पल आफैले चुमेका ती हातरुमा अरु कसैको नामको मेहन्दी लागेको हेरिरहदा बहुत मन दुख्दो रहेछ। म सोचिरछु आखिर कस्तो हुनु पर्थ्यो म के के कुरा नपुगेर हो म मा यसरी टाढिएका छौ हामी। यदि यो जिन्दगी सिनेमा भैदिए फरक हुन सक्थ्यो कि परिस्थिति हामी त बास्तबिकतामा बाचेको मान्छे अब बदलिन सक्दैन हाम्रो भाग्य। चियाघरको मटकामा लेखेको तिम्रो नामको फुट्योकी माटोको भाडो उस्तै गरि फुटेको छ भाग्य मेरो। प्यारी पुनु यो अन्तिम हो आज देखि लेख्ने छैन तिम्रो लागि कविता किनकी तिम्रो भाग्य अरु कसैसङ लेखिसकेको छ। गाउने छैन तिमिलाइ मन पर्ने गीत तिमिलाइ मन पर्ने आवाज अब फेरिसकेको छ। जलाइदेउ है हामीले साटेका उपहारहरु यसै ठूलो जिम्मेवारीको भारी छ तिमिसङ कसरी सकौले यादको भारी बोकेर डोलि चडेर बिदाइ हुन तिमी मेटाइदेउ हामीले साटेका यादहरु पनि यो संसारमा सबै भन्दा गरुङ्गो याद त रहेछ। म हुने छैन अब यादमा अब म हुने छैन तिम्रो बातमा अब म हुने छैन तिम्रो मुस्कानमा अब हुन्छ कि भेट हाम्रो चिहानमा अब पुनु यति कुरा याद गर ल! भोलि तिमी अन्मिएर बिदाइ हुँदै
Read more

कबिता- चिया प्रेम

-
कुनै दिन तिमी र म एउटै टेबलको २ कुनामा वसेर चिया पिउदै आँखा जुधाउदै गर्दा। यो सोच्नु पर्थ्यो कि यी आँखाहरु पनि थाक्छन यी कपहरु पनि रितिन्छ्न। दूध, पानी र चिया पत्तिमा चिनी अडिए जसरी कहाँ जोडिन्छन चियामा मनहरु अचेलका मनहरु त क्यापोचिनो र एक्सप्रेसो हुन। मानौ तिम्रो रुप झै तिम्रो मन दूध चिया हो। मेरो मन फिक्का चिया। एका बिहानै दुध बेच्न आउने रामुदाइको साइकलमा अडिएको दुधको भाडो जस्तो कहाँ अन्डिन्छ र यो माया अचेल यो माया त मोटर बाइकको पछाडी अडिनलाइ बनेको हो।          २०७५/९/२०
Read more

सिन्दुर नलगाउ है

-
Image
  सिन्दुरको धर्काले तिम्रो भाग्य छोपिदिने हो कि? सिन्दुर नलाए हुन्छ। चुराको छिन छिनले तिम्रो मनको शान्ती विथोलिदिन्छ कि? बाहुन बाजेले बाधेको हातको डोरीले तिमिलाइ जन्जिर बेरे जस्तै पो लाग्छ कि? रातो सारी लगाएर बस्दा क्रान्ती गर्न हिडेको योद्धा देख्छौ कि आफ्नो स्वतन्त्रता खोसिएको कैदी थाहा छैन। साहिली औलाको औठीले मेरो आफ्नो जिन्दगी सकियो भन्ने पो लाग्छ कि? भो नलगाउ त्यो औँठी पनि। यो जिन्दगी तिम्रो आफ्नो पनि त हो। छोडेर भान्सा कोठा हिड जाउ तिमी र म समानतको युद्ध लड्न। आज मलाइ अल्छी लागेको छ बाइक चलाउन तिमी तिम्रो स्कुटिमा मलाइ पछाडी राखेर लैजाउन है अफिस सम्म। दिन भरको कामले थाकेको होला तिम्रो शरिर आज खाना मैले पकाउछु, भन के खान मन छ? भो छोडिदेउ हाम्रा लुगाहरु आज मैले पखाली दिन्छु नि हुदैन? मलाई घर चलाउन पैसा चलाउन उति राम्रो आउदैन। कसलाइ के कति दिने, पैसाको लगानी कता गर्ने? नयाँ के के सामान किन्ने यस्ता साना तिना निर्णयहरु तिमी लेउ न है।
Read more